|
|
第一棍：地產經紀人數又破頂
地產市場有吸金力，連代理持牌人數更創下新高，16年12月持牌人數達三萬七千二，但遇上樓市成交量大跌，以買賣單計，平均十一個人爭一單，搵食不易，但計埋租盤同公司轉讓交易，情況又未必咁差也。
《搵銀報》表示，代理升至3.7萬人，11人爭1單。地產代理持牌人數連升3個月，最新報3.72萬人，創去年4月後新高，惟同期整體住宅成交急挫，僧多粥少情況加劇，平均11個人爭一張單。
地產代理監管局最新數據顯示，截至去年12月底持牌代理人數錄得37,275人，按月再增加164人或0.4%，升幅較11月加快，亦升至去年4月後新高。
第二棍：新地元朗盤開天價
新地賣樓越戰越勇，今年率先準備開紅盤，元朗Grand YOHO加價近兩成再吸買家，有優質一房戶開價達八球，震撼市場。
《小超報》講，Grand YOHO四個月加價21%。港府去年11月推「加辣」措施及美國12月加息雙重夾擊下，本港一手住宅市場經歷兩個月淡靜期後，踏入2017年，由新地（00016）搶閘推盤打破悶局，公布旗下元朗Grand YOHO第二期首批166伙價單，折實平均呎價1.45萬元，成為近兩個月首個開價的全新一手樓盤，而且相對去年8月Grand YOHO第一期首批呎價1.2萬元，呎價隔4個多月勁升21%。第二期首見的1房戶，折實入場費537.94萬元，貴絕元朗同類單位，最快下周開賣。Grand YOHO第二期高價開盤，區內二手市場昨日隨即出現加價個案，個別單位提價達100萬元。
第三棍：超人話樓價唔會升得離譜
超人為今年樓市把膊，話明加辣後樓價不會升得太離譜，又針砭現時住宅納米化下，對此他心裏感到「唔舒服」。
《阿爺報》表示，李嘉誠：樓價唔會高得太離譜。長和系主席李嘉誠出席集團周年晚宴前，回應近期樓價走高的問題。他說：「照計加咗stamp duty(印花稅)，我相信樓價即使會高啲，但唔會高得太離譜。」近期個別發展商推出百多呎的超細面積單位，市民居住面積越來越細，對此他心裏感到「唔舒服」。
李嘉誠坦言亦不喜歡太細的單位，認為人對單位的面積一定有基本要求，公司過去少有推出這類單位。李嘉誠說：「比例太細(單位面積)的我哋幾乎都好少，間中一個半個，我個人嚟講都唔喜歡太細，基本人需要的都一定要有。但有時都要就返環境，例如一個人入息咁多，係一個短時間住一個細啲嘅，到佢環境轉好咪換個大啲嘅。」
第四棍：大美人沽樓明賺實蝕
人稱大美人的關之琳，一向投資物業有道，今次沽出南區壽臣山道東超級洋房，就明賺實蝕，市場揣測大美人今次沽貨，相信睇後市不明朗或換馬居多，市場又傳大美人斥逾一億多，購入中半山地利根德閣極高層單位。
《太公報》指，關之琳沽壽臣山洋房，六年賺四球。據土地註冊處資料，壽臣山道東一號雙號屋，實用面積約2657方呎，上月底以1.43億元易手，折合實用呎價約53820元，登記買家為林裕豊。原業主於2010年透過公司名義買入上址，公司董事是關家慧，為影星關之琳原名，今次售出洋房，持貨六年帳面微賺約400萬元。
儘管今次沽出洋房，帳面只賺400萬元，扣除釐印費及佣金等開支，料損手數百萬元離場，代理稱，該洋房一直作出租用途，以過去三年、每月收租約25萬元計算，租金收入最少共900萬元，足以抵銷釐印費等支出，預計原業主淨賺最少400萬元。
第五棍：商鋪市道漸見超色
上年尾零售市場好轉，有民生地區商場消費不錯，有商場更在零售業寒冬加租，其中運動保健同化妝及餐飲類行業，承受租金能力更表現最佳。
《免費報》指出，商場銷售報喜，逆市加租兩成。本港去年深陷零售寒冬，但新地(016)旗下世貿中心、上水廣場、東港城等十大商場營業額卻逆市增長8%至166億元，人流亦有9%增幅。新地代理租務部總經理鍾秀蓮預料，今年首季商場營業額繼續樂觀，農曆新年期間，十大商場推廣費用達2,360萬元，勢帶動首季營業額上升7%至40.6億元。
|
|
|
